Phooh ka Sngi Lumlang yong ka Kur Suchen – Bataw Unit

Ka Kur Suchen-Bataw Unit da lehkmen ko ya ka sngi kawa kyrpang yong ka Kur Suchen: Hynñiew Kñi Hynñiew Kpoh, ya kawa da tip kam ka Sngi Lumlang yong ki khon ka kur wa em hapoh ka chnong Bataw, East Jaiñtia Hills District ha ka 14 tarik uni u bnai.

Ha kani ka yachemlang ki khon ka kur da pynthymme leh ya kiwa kitkaam yong ka chnat krehkaam ka Kur Suchen: Bataw Unit.

Ya ka yalang da pynlai da u Tbn. Krolin Suchen uwa man leh u Adviser ka Kur Suchen Bataw Unit heiwa da wan sakhilang ya i e kyntien kular yong kiwa kitkaam wa thymme yong ka Kur Suchen-Bataw Unit da ki heh na ka Kur Suchen Seiñbei ha ryngkat ki kyntien sneiñ kyntien kyntu na ki heh ka Kur Suchen-Central Executive Committee nadooh u President Rangbah, u Phermon Suchen; u Vice President, u Precious Stone Suchen; u General Secretary, u Joyash Suchen; u Adviser, u Shining Star Suchen; u Adviser, u Roland Suchen wa na ka Bainulin Suchen kawi na ki manbei wa kreh ka’it mynsien ya ka Kur Suchen hapoh ka chnong Bataw.

Kamjooh leh da yoh i klam pdiang na u Hosting Pajat wa i klam tbian na kiwa kitkaam wa thymme ka Kur Suchen-Bataw Unit kiwa kynthup ya u General Secretary, u Teimonki Palong wa na u President u Alwin Suchen.

Related posts

Da jied ya kiwa kitkaam ka Seiñ Kur Sana

June 4, 2025

Pynman ka Modop Nartiang yei jied waheh chnong

May 31, 2025

Ha kani ka Sngi Lumlang yong ka Kur Suchen da pynkup burom leh ya ki khon ka kur kiwa da wan chakhmat ha ki Exam waphær waphær da ka 1st Kur Suchen Hynñiew Kñi Hynñiew Kpoh Academic Award 2024, kamjooh ka Seiñ Kur Suchen-Bataw Unit da pynkup burom ko leh ya kiwa kitkaam ka Kur Suchen Seiñbei wa ya kiwa kitkaam wa thymme ka Bataw Unit ryngkat i pynkup burom ya kiwa kitkaam warim yong ka Kur Suchen Bataw Unit kam ka dak wa pteiñ ki wow yahluti ya ka kur.

Kiwa kitkaam kiwa thymme yong ka Kur Suchen Bataw Unit kiwa da chah jied kynthup ki ya u President, u Alwin Suchen; u Vice-President, u Nehlang Byrloi; u General Secretary, u Teimonki Palong; u Asst. General Secretary, u Tony Byrloi; ka Yokima Byrloi kam ka Treasurer wa kiwi kiwi kamjooh ki 25 ngut ki Dkhot yong ka Executive Committee wa soo ngut ki Advisor- u Roland Suchen, u Krolin Suchen wa u Noren Palong.

Ya kiwa kitkaam wa thymme u krehkaam ki neibynta u snem 2024 hadooh u 2028 heiwa da yah wow e ya ki kyntien kular na u Streamly Nongjop Suchen.

Kani toh ka Wyrta na u General Secretary ka Kur Suchen Bataw Unit, u Teimonki Palong.