Shillong: Ka sngi wa ar yong ka India International, Cherry Blossom Festival, 2019 ynne ka sngi da sakhi yei chimbynta ki paidbah wei da wan sakhi da ki bru na kylleiñ nadooh ki waheh hadooh wa khian.
Ha kani ka sngi da em leh ka yakob waphær waphær nadooh i baam sumrit ha Wards Lake wa kiwi kiwi.
Ha ka yakob, u Leninston M Sangma wa u Aman Swer da baam ki mar 14 tylli ki sumrit heiwa da rai ya u Leninston wow man u kam uwa jop wa ye u smat baam heipor wa duna wei da yoh u ya ka song poisa wa T. 5000 katwa uwa yoh wa ar won da yoh u T. 3000 katwa yei naam wa 3 da yoh u Amos Nongrum uwa baam 10 tylli wei da yoh u leh T. 2000.
Ynne da em leh ka yakob phet namo ka Cherry Blossom Run kawa da chim bynta da kamwa 100 ngut wei daw em leh ki yakob wa ha rukom.
Kawi tawon ka yakob toh ka yakob Cute Kids ha Wards Lake heiwa da jop da ka Abigail Donna Shangpliang, bood won sa u Harshit Surana wa ka Saanchi Chettri ha ka kyrdan wa le.
Ki tamasa wow pynman hadien toh ki yalehke tynre, ka Miss Cherry Blossom, ka Plus Size Queen, ka Mrs. Shillong wa kiwi kiwi.
Daw em leh i pynyoo yaka phlim South Korea, “Confidential Assignment” ha State Central Library ha i por 6:30 waje i janmiet.
Discussion about this post