Phooh pheiñ ka Chaad Sukra ka Raij Jowai

Jowai: Nadooh wa pyn-im biang ya ka Chaad Sukra ha Jowai ha uni u snem da man ko ka sien wa 12 heiwa da leh kmen ya ka ha Jowai.

Ha Jowai ynne ka sngi ka Chaad Sukra man ko kawa phooh wa phieñ wei da sdang chwa ya ka na Madan Mynkkoi Pyrdi heiwa da wan sakhi u K.S. Kropha, IAS, Chief Secretary ka sorkar Meghalaya.

Ka phang pdeiñ ka Chaad Sukra ka Seiñ Raij Jowai ha uni u snem toh “Ha ki tyrpeiñ ki tympha ka Bei Rymaw, ya ki kha kti u warim u ksoh u wyrchaw”.

U Kongsan hei klam yong oo da kyntu u ya paidbah yow man kiwa ya tylli khlem pait ya ka jaitbru, ka niam, u thylliej wa kiwi yow wanrah ko ya ka suk ka sain ha ka imlang sahlang.

Da rah tarik ya ka General Meeting ka Kur Sana kawa daw pynman ha Jowai

May 7, 2025

Ym chah ya kiwa wan dai baam ha ka Chaad Sukra ka Seiñraij Chnong Tuber Kmaichnong

May 3, 2025

Haden ini da pynman ya ki chaad na ki chnong waphær waphær kiwa da pyn ka-it ya ki paidbah kiwa wan da ki phaw spah ngut wow sakhi ya kani ka Chaad Sukra.

Hadien ini da pynman ya ka Mih Yaw heiwa da pynriam ya ki kari kiwa tem ya ki sur wow chaad paidbah hadooh wa poi Iawmusiang.

Manda poi ha yaw hajan ka MTC da em ka yalang heiwa u Montri ka Tnat Arts and Culture u Ronnie V. Lyngdoh da man u kam u Kongsan wei hei klam u da ekhublei u ya ka Seiñraij kawa da ye u pynkhai im biang ya ka Chaad Sukra wei da ekhublei u leh ya waroh kiwa em ha kani ka sngi.

Da kyntu u leh ya ki khynroo khyllood wow ksoh ki ya ka dustur wei wow nang pynphooh ki ya ka Chaad Sukra.

Hadien ini da pynwyrngia ya ki paidbah kiwa wan paitke da ki chaad wa da pynkhreh da ki chnong wa ki Seiñraij waphær waphær kamjooh leh da em ki dhab wa chaad kiwa wan nadooh Marngar, Ri-Bhoi District.