Phooh phieñ i pynyoo rong ki chnat sorkar hei lehkmen Republic Day ha Jowai

Ka lehkmen ya ka 77^th Republic Day ha Jowai da pynman ka ynne ka sngi ha madan Jrisaleiñ, Chutwakhu, Jowai heiwa u Kyrmen Shylla, MLA da wan u wow pynhær ya ka lama ka ri wei da chim u ya ka Rashtriya Salute neibynta ki 17 tylli ki dhab wa leh ya ka March Past wa kynthup ya ki District Police, ka Kiang Nangbah Government College NCC Unit, Jowai, ka Thomas Jones Synod College NCC, ka Government Girls Higher Secondary School, ka Jowai NCC Contingent, ka Meghalaya Bharat Scout and Guides, Jowai wa 12 tylli ki skur.

Ha kani ka lehkmen da wan leh ki chnat sorkar wow pynyoo rong ya ki Scheme deilang ki kaam da leh ki.

Na kiwa yaleh March Past da yoh nyngkong ka PM Shri School JNV Mukhla, hei wa ar da yoh ka Government Boys Higher Secondary School, Jowai katwa hei wa le da yoh ka Tome Memorial Higher Secondary School, Mooralong, Jowai.

Na ki 13 tylli ki chnat sorkar kiwa da wan wow pnyoo rong ya ki kaam ki jaam yong ki, ka District Commerce and Industries Centre (DCIC), WJHD Jowai da yoh nyngkong ko, ka District Prison and Correctional Home, WJHD, Jowai da yoh wa ar ko katwa ka Meghalaya State Skill Development Society, WJHD, Jowai da yoh wa le ko.

Ha ka sien wa nyngkong pynmih ki chipai da ka Tableau ka Operation Sindoor

January 26, 2026

Yoh u sahep ka IAF ya ka Ashok Chakra

January 26, 2026

Ha kani ka lehkmen da saam leh ki khusnaam cha ki ASHA wa ANM yei lehbha ki ha ka World Population Fortnight 2025. Ka Rijoy Lapasam, ANM na Mowkaiaw Sub-Centre da pynkup burom ya ka yei e chakri ko wow pynkha khon, i yarap wow pynsñiawthooh kammon emkaam wow kha khon deiwa yang kattu katni snem wa kiwi de ki kaam.

Ka Lama Muroh, ASHA ka Khliehtyrshi NSC da pynkup burom ya ka ya ki kaam wa da leh ko neibynta ki kynthai kam chibynta ka Saas-Bahu-Pati Sammelan hapoh ka Mission Parivar Vikas (MPV), deilang i yarap ko wow pynsñiawthooh yei emkaam wow pynduna khon wei wow pyrkhat katwon ngut emkaam khon. Kini kiwa chah pynkup burom da yoh ki leh ya ka song poisa deilang ka Certificate.

Da pynphooh pynphieñ ya kani ka sngi da ki chaad, ki rwai wa i pynhær diñkum da ka Dorbar Chnong Chilliangraij wei da lai saam baam leh cha ki khynnah ka Children’s Home da ki chnat sorkar wa ki seiñ ka imlang sahlang.