Phooh phieñ ka Dorbar Bah ka Seiñ Kur Sari deilang i pynkup burom, i rwai i chaad tynre

Ka Dorbar Bah namo ka General Meeting ka Seiñ Kur Sari Seiñ Bei, da pynman ka ha chnong Thadmuthlong, West Jaiñtia Hills District ha ka 21 tarik wei da man ko kawa phooh wa phieñ wei kawa jop.

Da wan wow sakhi kam u kongsan næ Kñi da u Martu Sari na Mukhla wei kam u symbood kongsan u Share Me Sari na ka chnong Mawryngkneng.

Ya kani ka dorbar da pynlai da u Honstar Sari na Rakabah kam u President wei chwa u sdang ka dorbar da yoh i ngooh Blai da u Firstly Sari na Mukhla wa ki kyntien pdiang burom na u Mardei Sari, Secretary ka Unit Kur Sari na Muthlong.

Da pynhær ya ka lama kur da ka manbei wada heh rta, ka Wilobi Sari na ka chnong Muthlong, wei da yoh leh ya ka bui (Report) krehkaam na u General Secretary ka Seiñ Kur Sari Seiñ Bei, u Standbyme Sari.

Da yoh yei klam klam i kappæ na ka Dr. Karudaioo Sari kawa na ka chnong Thadmuthlong, i klam i snieñ i kyntu na u Rangli Sari na Wahiajer, u Kwit Sari na Mukhla, na u Gremlin Bareh, Secretary ka Dorbar Ki Waheh Kur Ri Jaiñtia chaphang ka thong wa i lai luti ka Dorbar Ki Waheh Kur Ri Jaiñtia waka sorkar jylla wei kamjooh leh waka JHADC wow pynbor ya ka u tipmit noh ko ya waroh ki kur kiwa chong wa sah hapoh u pood u ang yong ka.

Da pynman leh yei pynkup burom ya ki khon ka Kur Sari kiwa lehbha wei kiwa poi chakhmat ha ka puræ puthi kam ka Dr. Karudaioo Sari wa ka Dr. Anisha Sari kiwa na ka chnong Muthlong, ya ka Dr. Glarisa Sari na Umpling, East Khasi Hills District, da yoh leh u pynkup burom ya ka Ferica Sari kawa na Muthlong hi kawa yoh naam Top Ten ha ka Exam GNM Nurse wa pynlai da ka Meghalaya Nursing School.

Related posts

U sdang biang ka Maitri Bus Service na Agartala-Kolkata lyngba Dhaka

February 22, 2026

Pynawri ki Tourist na Gujarat ha ka Resort wa em ha Arunachal Pradesh

February 22, 2026

Kiwi de kiwa chah pynkup burom toh ka Rilana I Ka Sari na ka chnong Muthlong kawa dapoi ha ka Top 9 yong ka HSSLC Examination (Science Stream) wa da pynlai da ka MBOSE.

U kongsan hawa e yei klam da kyntu u ya ki khon ka kur wow man ki kiwa tip bru tip Blai kiwa kreh hok wym hoi u thok u chukor, wym hoi u manbru kiwa heh du i ktien. Wei da ong u leh wow man kiwa tip u maya ya ka kur ka jait, wei kamjooh leh da kyntu u ya ki khon ka kur man kiwa tip bru tip Blai tip kynsai tip panrai.

Da pynkut ya ka yalang deiwa pynhiar ya ka lama ka kur da u Nehskhem Sari uwa man u Treasurer ka Kur. Da pynbna leh wa ka General Meeting kawa daw wan daw pynman ka ha ka chnong Rakabah ha u snem 2027 wei ha u snem 2028 daw pynman ka ha chnong Mawryngkneng.

Ha kani ka sngi da pynphooh pynphieñ da ki chaad tynre na ki chnong waphær waphær.