Phooh phieñ ka lai chaad Carol ki khon ka Balang Catholic Mihmyntdu

Jowai: Ka Balang Catholic Mihmyntdu ynne ka sngi da pynemwarom ko ya ka sngi kha u Jisu Krist deiwa pynman ya ka lehniam Mass wa khooid heipor 10:00 waje i step.

Ya ka Mass da pyndep da u Rev.Fr. Breson Paul Ranee ha ryngkat wa u Fr. William SDB.

Heipor 2:00 waje i sngi nawon da mih paidbah ki khon ka Balang wow embynta ha ka chaad Carol heiwa da chimbynta ka-it mynsien nadooh ki khynnah kamjooh ki waheh wa ki manbei manpa.

Heijooh i por ka Balang da e khublei snem thymme wasuk wa kmen ko leh ya waroh.