I khut kreh yow man kam ki Staff Nurse deiwa kreh Contract kawa dadep pyndam ini wa dep, da pynbna biang ka neibynta ki 325 tylli ki kreh wa lait kamwa da pynbna hi ini wa dep.
Kini ki kreh toh hapoh ki First Referral Unit wa Critical Care Unit neibynta ka 11 bnai chwa wei ye u pteiñ chooh chooh lada emkaam.
Ha ini pynbna kreh wa thymme wa da pynmih ha ka 08-07-24 da ka yung krehkaam ka Director of Health Services (MI), Meghalaya da kdaw ya ki kreh wa lait ha waroh ki District lait noh ha East Jaiñtia Hills.
Ini da pynchrai i ya ki paidbah wa ileh ym em mihlang ka East Jaiñtia Hills District heiwa ka Montri ka chnat i chait i khiah, ka Dr. Ampareen Lyngdoh da e jubab ko wa daw thooh bniah ko.
Kam wow kdaw heini wa hawa pynmih nynkong ya kani ka Advertisement ha ka 06-03-24 da pynbna kamni hi i jooh heiwa ka East Jaiñtia Hills ym em mih pyrtuid ko tangwa hawa pynmih yei pyrtuid kiwa da chah jied yow leh ya ka Walk-In-Interview won, em hi ki pyrtuid kiwa na East Jaiñtia Hills kiwa da chah khut.
Puræ leh: Da pyndam ya ka Walk-In Interview neibynta kiwa yaleh kreh Staff Nurse
Discussion about this post