Phylla u John Kharshiing wa jhan ka KHADC wow pynman aiñ ya ka Khasi Social Custom of Lineage (Second Amendment) Bill

Shillong: U Chairman ka Grand Council of Chief u John Kharshiing da kylli u yei leh jhan ka Khasi Hills Autonomous District Council wow mynjur wow pynman aiñ noh ya ka Khasi Social Custom of Lineage (Second Amendment) Bill, 2018 khlem da khut lang yei sñiaw ki Hima kamjooh ya ki seiñ kur.

Katkam kani ka aiñ da rai wow pyndooh noh wow tipmit ya ki kynthai kam ki Khasi lada yachong kurim ki wa u bru wa ymtoh wa tipmit kam u jaitbru Khasi wei kamjooh leh u kyntait ya ki khon yong ki wow man kam ki Khasi.

U John F Kharshiing da ong u wa kani ka Bill pynyoo ko yei wym sñiaw skem ki jaitbru wei daw wanrah ko yeiwa sih bar ya iwa bha.

Da ong u leh wa kani ka Bill da wanrah ko yei leh chiliang ya ki kynthai khlem da pait bha ya ka yukheiñ wei da leh khlem da pyrkhat yillu.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

“Nga kylli O iwa suk dooh ya ka KHADC wa da em mo ka sorjamin wa pynman wow pynsakhiat yei boon ki jaitbru Khasi wei kammon tip ki wa daw duna ki jaitbru namo daw ku ko?,” da kylli u John.

Uni u heh ka GCCM da kylli u chaphang ka “Tang-jait” kawa chah ha ki Khasi wow pynkha ya ka kur wa thymme hadien wa u chynrang chong kurim u wa ka kynthai kawa ymtoh ka Khasi.

Da ong u leh wa ka jaitbru Khasi toh kawa kheiñ kyrpang ya ka kur ka jait wei khlem da yoh yei sñiawthooh lang ya waroh ki kur kiwa em hapoh 52 Hima ym toh u pynman aiñ ya kani ka Bill.