Hadien wa mih i yachoh yadat hapyrdi kiwa chong chnong ka Lama wa Lakadong Ummat nei yaknieh thaw neibynta wow chna ya u sarok Green Field High Speed Corridor heipor wa pynman yei lai sorjamin (Joint Measurement Survey) ynne hadooh wa da em kiwa chong chnong ka Lama kiwa da mynsoo.
Neiliang u DC ka East Jaiñtia Hills District da pyntip u wa da yoh khubor wa da em leh kiwa rah tiar yasiat wa kiwi ki tiar pynmynsoo nadooh ki lathi, ki wait, ki tiar tympdung wa kiwi de wei ini da booh ko hei maa ya kiwa chong chnong kini ki ar tylli ki chnong.
Najrong ini da sñiawthooh leh wa ini i kynaad ye i wow pteiñ hapyrdi kini ki ar tylli ki chnong.
Kamtæ da pynkrehkaam da ka Section 163 ka BNSS, 2023 ha ini i bynta wa em i ya kajia thaw deiwa khang yei yalang palat 5 ngut ha kini ki thaw wa em kajia hapyrdi ka chnong Lama wa Lakadong Ummat, da khang leh u rah ki tiar pynmynsoo nadooh ki dieñ, ki lathai, ki tiar yasiat, ki tiar tympdung wa kiwi de.
Chooh chooh da khang leh wow khanglaad yei lai luti ki bru, ki kari kamjooh kiwa leh ya ki kaam wym hoi u dam.
Lada em kiwa pynthut yei chongsuk daw chah pynchitom ki katkam ka aiñ.
Kani ka hukum u kremkaam ko chisiendon nadooh myntu ka sngi hadooh wa pynbna da kamwi.
Discussion about this post