Jowai: Ka Young Talent Badminton Club, Mawlai da pynsñiaw ko yei sñiaw sarong yei wanrah burom u Benhanan Kharwanlang uwa da rem ha ka yalehke Final Tournament wa heh ha Assam kawa tip kam ka Badminton Gurukul Tournament 2019 kawa pynman ha Indoor Stadium Royal University Assam.
Kani ka Tournament toh kawa pynman nadooh 23 hadooh 27 tarik uni u bnai.
Neiliang ka Club da dap ko dei mynsien wa kmen heiwa ki khynnah da ye ki wow yalehke nadooh i mynsien yow kynjoh cha ka thong. Kamtæ neiliang ka Club da e khublei kyrpang ko ya ki bei ki pa yong u Benhanan kiwa da e mynsien ya u khon yong ki yow man ko kam ka nongmuna ya kiwi ki bei ki pa wei ka Club leh dap ko da i sñiawngooh ya kiwa yarap sñiawbha na ki por cha ki por ya ka Club kam u Wellbirth Rani u President ka FKJGP, u P.T. Sawkmie MLA kamjooh ya ki dkhot yong ka YTBC wa kiwi kiwi kiwa ym ye de wow pynmih pyrtuid kiwa da yarap na kipor cha kipor.
Ha yalehke Final u Benhanan da rem noh u ha u A. Gogoi da 13-21, 21-10 wa 19-21.
Discussion about this post