Jowai: Kamwa 16 ngut ki bru wa kynthup ya ki 10 ngut ki kynthai, 2 ngut ki chynrang wa 4 ngut ki khynnah da yoh prai pynhiar ki hadien wa dep baam khawai Noh Mynsoo (Sib Syiñ) ki ha chnong Moolephaw, Nongjngi ha ka 15 tarik uni u bnai.
Hawa yaklam wa ki Doctor ka Dr. Norman Tunnel Hospital da ong ki wa ympu tip iyi i daw wa jia ya kini ki bru kamni neibhah dang yang ya ka Result ki test wa leh ya kini kiwa chitom.
Kiwa chitom da pyntip ki wa hadien wa dep baam ja miet ki ha ka 15 tarik ym em sñiaw ki wa phær iyi iyi leh tangwa ha ka sngi wa bood kamjooh ha ka sngi Bibar da sdang ki u pynhiar wei nyngkong da rah ya ki cha Nartiang CHC tangwa da phah won ya ki cha Jowai.
I baam wa baam ha katai ka khawai toh i doh syiar, doh sniang, kubi wa u sapdok. Ki doctor won da ong ki wa ym toh iwa joor i wa chitom ki wei ym slem da yoh ki u liwan yung.
Neiliang u Wyrta daw boodien u hei yatoh wa ini iwa jia.
Discussion about this post