Jowai: Ka lympung yalehke Badminton District Level wa 4 sngi lynter wa pynman daka West Jaiñtia District Badminton Association deilang waka yung krehkaam u District Sport Officer, West Jaiñtia Hills da poi ko cha wa kut ynne ka sngi ha Chutwakhu Indoor Sport Hall kawa da wan pynhaap pyrda yaka da u Awhai Andrew Shullai MDC ka Jowai Central.
Hawa e yei klam, u A.A. Shullai da pynsñiaw u yei kmen wa yoh u yoo wa kiwa chimbynta da boon ki katwa dang lai ki snem, wei kamwa ka yalehke Sport hi man ko kam chibynta ka puræ puthi, da kyntu u ya ki khynnah skur wa em yei sap wow kreh chitom neidaw wa ka Sport yarap ko ym du wow yoh ya ka chait ka khiah wei man ko leh katni ka laad kamai ha kini ki sngi.
Ha i jooh i por da e mynsien u ya kiwa rem deiwa ong ym toh iwa kut wei u man ko ka thong wow kreh chitom yow jop ha kiwi won ki por.
Kamtæ haka yakhun Final yong ka Under -13 Girls Single, ka Tipsngi Ñiang naka Govt Girls HSS, da pynrem ko yaka Dabiang Sakani Lyngdoh naka North Liberty HSS da 21-10, 21-07.
Haka Under-13 Girls Double, ka Tipsngi Ñiang wa ka Gemind Patwet kiwa naka Govt Girls HSS da pynrem ki yaka Dabiang Sakani Lyngdoh waka Aureliana Passah kiwa naka North Liberty HSS da 21-17, 21-19.
Haka Under-13 Boys Single, u Aebhami Bareh da pynrem u ya u Leminelson Suchiang da 21-17, 21-16, waroh arngut toh kiwa naka North Liberty HSS.
Haka Under-13 Boys Double, u Leminelson Suchiang wa u Runiwanlam Laloo da pynrem ki ya u Iar-i-tre Kyndiah wa u Aebhami Bareh da 21-17, 21-19, waroh arliang toh kiwa naka North Liberty HSS.
Haka Under-15 Girls Single, ka Josefina-Dala Passah naka KJP HSS da pynrem ko yaka Pretty Sumer wa naka St.Mary Mazzarello HSS da 21-11, 21-10.
Haka Under-15 Girls Double, ka Josefina-Dala Passah waka Bansala Laloo kiwa na KJP HSS, da pynrem ki yaka Alvinia Kma waka Dahun-i-haki Liting kiwa na North Liberty HSS da 21-17, 21-11.
Haka Under-15 Boys Single, u Owawan Dkhar da pynrem u ya u Darapshngaiñ Challam da 22-24, 21-14, 21-12, waroh kini toh naka North Liberty HSS.
Haka Under-15 Boys Double, u Samehi Shylla wa u Kyntubhah Bamon kiwa na KJP HSS da pynrem ki ya u Owawan Dkhar wa u Aebhami Bareh kiwa na North Liberty HSS da 21-15, 21-16.
Haka Under-17 Girls Single, ka Josefina-Dala Passah naka KJP HSS da pynrem ko yaka Pretty Sumer wa na St. Mary Mazzarello HSS da 21-11, 21-3.
Haka Under-17 Girls Double, ka Josefina-Dala Passah waka Ritremo Pohshna kiwa na KJP HSS ki da pynrem ki yaka Pretty Sumer wa Elarita Lamare kiwa na St.Mary Mazzarello HSS da 21-18, 21-13.
Haka Under-17 Boys Single, u Ritre-oo-dame Nongpluh naka Govt Boys HSS da pynrem u ya u Lemanda-oo Bareh naka Marian Hills HSS da 21-17, 21-16.
Haka Under-17 Boys Double, u Arman Bamon wa u Ritre-oo-dame Nongpluh da pynrem ki ya u Wanjur Ñiang wa u Sambul Lamare da 21-17, 21-18, waroh kiwa naka Govt Boys HSS.
Discussion about this post