Jowai: Ka 17th Open to All Badminton Championship 2018 ka wa pynman ha Loompyrdi Iongpiah Indoor Sports Hall nadooh ka 19 tarik da pynkut ya ka ynnin ka miet heiwa u Deputy Commissioner ka West Jaiñtia Hills u R. Rapthap da man u kam u kongsan.
Hei klam yong oo da yaroh u ya ka chnong kawa da ye u pynman kam kamni ka Tournament wei da kular u leh wa neiliang ka District Administration daw yarap ko ya ka chnong neibynta wow pynman ya kam kani ka ki jait kaam kamjooh leh wa kiwi kiwi.
U Waheh Chnong ka Loompyrdi u Alan Niangti da pynlai u ya ka yalang.
Kiwa jop ha ka kyrdan U-15 Boys Single toh u Ritre O Dame Nongpluh uwa pynrem ya u Armanroy Bamon da 21-16,21-16.
Ha ka U-17 Double Boys, u Armanroy Bamon wa u Ritre O Dame Nongpluh da pynrem ki ya u Heiwansa Passah wa u Ardakune Dkhar da 21-19,21-19.
Ha ka Women’s Single won, ka Josephina Passah da pynrem ko ya ka Balashembha Passah da 21-13,15-21,21-19.
Ha ka Women’s Double, ka Balashembha Passah waka Emidaka Chyrmang da pynrem ki ya ka Bhalang Passah waka Wandakahi Passah da 21-18,21-16.
Ha ka Men’s 50+ Single, u Polestar Niangti da pynrem u ya u Shiboon Pohleng da 21-14,21-19.
Ha ka Men’s Double Veteran u K.S. Bareh wa u Shiboon Pohleng da pynrem ki ya u Sunday Morning Tariang wa u Ricky Challam da 21-13,15-21,19-21.
Ha ka Men’s 40+ Single, u Rimilan Passah da pynrem u ya u Y. Shangpliang da 21-11,18-21,21-14.
Ha ka Men’s Double u Kitboklang Nongtdu wa u Rimilan Passah da pynrem ki ya u Teddy Laloo wa u A. Gatphoh da 27-25,21-16.
Ha ka Men Open Single, u Mebanker Chullai da pynrem u ya u Hrisami Passah da 21-16,21-14.
Ha ka Men’s Double Open, u Dr. Peter Lamare wa u Daymeniv Chullai da pynrem ki ya u Hrisami Passah wa u Burom Lakiang da 21-17,16-21,21-19.
Ya ki khusnaam wa kynthup ya ka song poisa wa ka Certificate da saam da u kongsan wa kiwa chah khut sniawbha wei da pynkut da ki kyntien e khublei na u Nakisa O Niangti Sports & Games Secretary ka Chnong.
Discussion about this post