Jowai: Ya kani ka 2nd Dulong Badminton Tournament 2018, da pynman ha Dulong Indoor Sports Hall wei da sdang ya ka nadooh ka sngi Muchai i janmiet 20 tarik u Naisaphra wei pynkut won ya ka ha ka sngi Pynsin 25 u Naisaphra heiwa hapyrdi ki waboon ki lok ki jor wa wan sakhi kani ka janmiet daman ko kawa chongchit wei e mynsiem ya kiwa yachimbynta wow yaknieh yei naam yong kani ka yakop.
Ya kani ka sngi pynkut yong ka 2nd Dulong Open to All Badminton Tournament 2018 nalor ki lok ki joor dawan leh wow sakhilang da u Daniel Dan, Sports Officer, Directorate of Sports & Youth Affairs yong ka sorkar jylla. U Daniel Dan kam u kongsan yong kani ka janmiet ha ka bynta wakut chwa wow ekti ya ki Prize cha kiwa jop wa ki warem yong kani ka Tournament, da yeiñ u wow e ki kyntien kitbok kitrwiang wa ki kyntien e mynsiem ya ki khon khynroo khyllood kamjooh ya kiwa yachimbynta waroh.
Ka Result yong kani ka yakop ha uni u snem man ko kamni næ:
Ha ka Men Single Open to all, U Mebanker Chullai darah u yein naam jop deiwa pynrem ya u Burom Lakiang, ha ka Men Double won u Nangebormi Suting wow Mebaker Chullai darah ki yei naam jop deiwa pynrem yow Rimilan Passah wow Burom Lakiang.
Ha ka Men Single wa 45 snem i rta chaneiñ u Teddy Laloo da rah u yei naam jop deiwa pynrem yow Dabait Kyndiah katwa ha ka yaleh yonglok won mar arngut u Pynbiang Laloo wow Gold Kharbuli darah ki yei naam jop deiwa pynrem yow Teddy Laloo wow Polestar Niangti.
Khyrui164 won heiliang ka Mixed Double u Mebanker Chullai wa ka Emi darah ki yei nam deiwa jop yow Nangebormi Suting wa ka Balashembha Passah. Katwa ha ka yakop yong ki khynnah wa em heirta 15 snem chapoh u Ritre-O Nongpluh darah u yei naam jop deiwa pynrem yow Heiwansa Passah katwa ha ka yaleh yonglok mar ar ngut u Armanroy Bamon wow Ritre O Nongpluh darah ki yei nam deiwa jop yow Lemanda-O Bareh wow Sambul Lamare.
Discussion about this post