Poi ka 2nd Volleyball Tournament ka WJDSA cha wa kut

Jowai : Ka final yong ka 2nd Volleyball tournament wa da pyndep ynnin ka sngi 19 tarik da man sakhiat ko ka wow sahkynmoo hadooh kattæ kattæ ha pyrdi ka Nangbah SC pyrchah ya ka Lion SC.

Ka Nangbah SC chwa kani ka yakhun final ym pu em wa ye u pynrem ya ka tang chi set leh kamjooh ym pu em rem ha ki yalehke nadooh wa sdang ka tournament.

Ha ka Set wa nyngkong yong kani ka final ka Nangbah kamwa jooh leh ko ha kani ka tournament da jop suk ko ya ka Lion 25-14. Ha ka set wa ar ka Lion da sdang ko u yalehke deiwa ryntih kamjooh ki nongyalehke ko leh da sdang ki u e bol dei wa pliah kamjooh u pynhap ya ka bol ha ki thaw wa biang hadooh wa da ye ko u pynrem ya ka Nangbah da 25-21.

Ha ka Set wa le ka Nangbah da pynyoo bor biang ko kamjooh ki wa yalehke da ye ki u pynkhai ya ki boon bol wa pynher ka Lion cha kylla jar khlem em i bakla wei da jop ya ka Set wa le 25-14.

Ha ka Set wa soo ka Lion da sdang biang ko u yalehke deiwa pynkhlan bor biang ki yow jop ya kani ka Set 25-20.

Related posts

Pdengshakap Football Tournament: Psiah Final ka Kemidon FC

March 22, 2026

District Cricket League: Jop ka Moodymmai SU wa ka Chutwakhu SC

March 21, 2026

Kamtæ ka yalehke da poi ko cha ka Set wa khaddooh yow rai yei naam jop yong kani ka Volleyball Tournament.

Ha ka Set wa san ka yalehke man ko kawa yathaiñ bha hawa ki points ya bood lang ki hadooh wa poi cha wakut. Ka Nangbah da sai lut ko ya waroh i bor i buit wa em ko yow ye u pyntam ya ka Lion du ar point yow jop 25-23.

Kamtæ ka Nangbah SC da rah ko yei naam jop deiwa yoh 25-14, 21-25, 25-14, 20-25, 25-23.

Da saam ya ki Trophy cha ki wa jop da u working president ka WJDS u ma EMH Passah katwa cha ki wa rem da saam da u ma L. Laloo.