Shillong: Ka lympung yalehke Football wa tip kam ka 6th Jaiñtia Meet Football 2017 da poi ko chawa kut ynne ka sngi deiwa jop ka Jar I Sap ya ka Rymbai FC da 5-4 da ka Penalty Shoot Out.
Ya kani ka Final da pynman ha Madan Jingkieng Nongthymmai Shillong wei ka Jar I Sap da yoh ko ya ka song poisa wa T. 20,000 katwa ka Rymbai da yoh ko ya ka T. 10,000.
Ha kani ka sngi ka Friendly Federation FC da yoh ko yei naam wa le deiwa yoh ya ka poisa wa T. 3,000.
Ya ki naam cha kiwa yalehke da yabhah kamni:
Best Player Semi-Final u Prangki Buam na ka Jar i Sap wa u Dapyooki Dkhar na ka Friendly Federation
Best Player Final – Hebor Talang naka Rymbai FC
Best Goal Keeper – Sardious Dkhar naka Rymbai FC
Top Scorer – Dame Syih naka Jar I Sap
Best Player, Tournament – Phrangki Buam naka Jar i Sap
Ha kani ka sngi khaddooh da em ka yalang wa pyllai da u Goldenstar Suchiang ya uwa tip maya leh kam u Bahduh.
Neiliang u President ka seiñ U EC Dkhar da e yaroh u ya waroh kiwa yalehke kiwa da dohyap mynsien wow pynman ya kani ka kaam kawa jop.
Ha kani ka sngi da wan sakhi ya ka da u MDC ka KHADC u Ricky Shullai kam u kongsan wa u Phasmon Dkhar MDC ka JHADC won da man u kam u symbood kongsan.
Discussion about this post