Poi ka 7 A-side chawa kut ynne ka sngi

Jowai : Ka lympung yaleh ball yong ka Dorbar Chnong Dulong ynne da poi ko cha wa kut heiwa da yachem ka Rising Star United pyrchah ya ka Amiti FC.

Ha kani ka yakhun da man ko kawa yathaiñ bha neibhah kiwa yaleh ka Rising Star dei langær yakhun ki u pynkhih ya ka jaar kool tangwa hadooh wa kut ka yaleh da neh khlem em wa thap.

Yow e i rai jop hapyrdi kini ki ar dhab da rai lyngba ka Tie-breaker heiwa da rai jop ya ka Rising Star United da 5-4.

Ha kani ka sngi u ma Moonlight Pariat da wan sakhi u ya ka yakhun final kam u kongsan.

Hawa kut da e leh ya ki khusnaam cha u Best Player ka lympung u ma Chester Paul Lyngdoh yong ka Amity, Best Goalkeeper na ka Rising Star United wa u ma Aibor Suchiang katwa ya i naam Top Scorer da yoh da u ma Ebor Buam uwa da yoh u thap 6 kool yong ka Rising Star.

Kiwa jop leh do yoh ki u rah keh ya ka song poisa wa T. 50,000 katwa kiwa rem won da yoh ki T. 25,000.

Related posts

Rs. 2,10,000 lak ka song poisa ka 10th Open to all Knock-Out Football Tournament Fixed Prize Money 2026

March 9, 2026

Ym khang de ya kiwa yalehke Cricket ha Meghalaya wow chimbynta ki ha ki yalehke Tennis Ball

March 8, 2026