Jowai: Ka lympung yalehke Badminton wa tip kam ka 9th District Open Badminton Championship wa pynman daka West Jaiñtia District Badminton Association wa sdang haka 7 tarik u bnai da poi noh ko chawa kut ha kani ka 10 tarik ha Yungwalieh ka dorbar chnong Dulong, Jowai.
Nawa sdang ka yalehke da wan chimbynta kamwa 142 ngut kynthai wa chynrang haki kyrdan waphær waphær wa kynthup haka Men Single/Men Double Open to All, 50 snem chaneiñ Men Single waka Double, 40 snem chaneiñ Men Single waka Double kamjooh ka kyrdan Women Single, Women Double waka ka Mix Double.
Haka yakhun Final ha kani ka 10 tarik, haka kyrdan Women Double da jop da ka Josefina Passah waka Ribhalang Passah deiwa pynrem yaka Emilanadaka Chyrmang waka Balashembha Passah da 21-15, 18-21, 12-21.
Haka kyrdan Men Double 50 snem chaneiñ da jop da u Riki Chalang wa u Ambrose Gatphoh deiwa pynrem ya u Sparklingstar Suchiang Patied Lakiang da 21-08, 21-12.
Hei kyrdan wa Men Single 50 snem chaneiñ da jop da u Polestar Ñiangti deiwa pynrem ya u Ambrose Gatphoh da 24-22, 11-21, 19-21.
Hei kyrdan Men Double Open to All da jop da u Mebanker Shullai wa u Mehiwot Nongpluh deiwa pynrem ya u Rimilan Passah wa u Buromlangki Lakiang da 21-19, 17-21, 21-16.
Haka Mix Double da jop da u Mebanker Shullai waka Emilanadaka Chyrmang deiwa pynrem ya u Buromlangki Lakiang waka Wandakahi Passah da 12-21, 13-21.
Haka Men Double 40 snem chaneiñ dajop da u Rimilan Passah wa u Mehiwot Nongpluh deiwa pynrem ya u Riki Suchiang wa ya u Yesterious Shangpliang da 21-16, 23-25, 21-17.
Ha ka Men Single wa 40 snem chaneiñ da jop da u Rimilan Passah ya u Dawanmi Challam da 21-10, 21-18.
Haka Men Single da jop u Mebanker Shullai ya u Buromlangki Lakiang da 21-14, 21-15.
Haka Women Single da jop daka Josefina Passah yaka Balashembha Passah da 21-11, 21-19.
Discussion about this post