Shillong: Ka bynta wa khaddooh (Third and Final Module) yong ka AFC B License Course da pyndep yaka ha Shillong ynnin ka tayaw.
Ya kani ka Course da pynman da ka All India Football Federation deiwa ya krehlang waka Meghalaya Football Association.
22 ngut ki Coach na kylleiñ ka ri wa 7 ngut na Meghalaya, da chimbynta ki ha kani ka Course hapoh i pait u Mariano Das uwa jooh man leh kam uwa yalehbol kamjooh u Coach.
Ya kani ka Course da yabhah ha ki ar bynta, ka Practical wa Theory Class, kawa da sdang nadooh ka 4 tarik uni u bnai wei da pynkut haka 8 tarik. Yaka Result daw pynbna ka AIFF ha kini ki sngi wow wan.
Hadien wa pyndep yaka e sikai da pynman yaka yalang wa tbian hei emlang u MFA Chairman ka Coach Education Committee u Dipshon Ryntathiang wa u MFA Treasurer u Wanshan Kharkrang.
“Ka MFA thmu ko wow man kam ka chlem e sikai heiyatoh ya ki Coach wa ki Referee wei ka thong wa pynman ya kani ka Course toh yow wanrah ya ini i thmu. I dang hap i wow kreh hajrong kiwa boon jait iwa emkaam hadooh ki bru wa ym toh kiwa yalehke kiwa emkaam wow em ki yow ye ka yalehke Football hapoh ka jylla u ku wei da yooluti wa ka Shillong daw man ko kam u chabi wow wai ya ki laad ki luti yow pynku yaka Football hapoh ka jylla waka North East,” da ong u Kharkrang.
Discussion about this post