Shillong: Ka 64th All India Cooperative Week Celebration hapoh ka jylla hajrong ka phang “Empowering People Through Digitalization of Cooperatives” da pynkut ya ka ynne ka sngi ha Williamnagar Government College Playground, Williamnagar heiwa ka montri ka tnat i puræ puthi ka Deborah C Marak da man ko kam ka kongsan.
Ka Marak hei klam da kyntu ko ya ki kynthai wow yakrehlang ki wei wow seiñ ki da ki Cooperative Society khnang wow ye ki u yoh chiboon i yarap na ka sorkar deiwa kyntu ya ki bank wow pynkhlan wei wow pynyaar ki ya i chakri cha ki palatchnong.
Da e nongmuna ko leh ya ka “Amul” kawa khayi ya ki mar wa pynmih nei dud heiwa kammon sdang ko na Anand, Gujarat katni nawon da ku bha ko nadooh wa sdang u Verghese Kurien ya ka.
U Denang T Sangma, uwa jooh man kam u Chief Executive Member warim ka Garo Hills Autonomous District Council (GHADC), da kyntu u ya ki paidbah wow chim kabu ki ya ki yarap wa e ka sorkar cha ki.
Kiwi kiwa da klam toh u DC ka East Garo Hills u Ram Kumar, u Daniel J. Ingty, Director, Meghalaya Basin Development Authority (MBDA), Garo Hills region, u AC Lyngdoh, Area Manager, Meghalaya Cooperative Apex Bank (MCAB), Tura wa u Mingseng Marak, Secretary ka Mendal Service Cooperative Society.
Hachwa wow yoh i klam na kini da yoh ya ki kyntien pdiang burom na u Registrar ka Cooperative Societies, u Dr. BDR Tiwari.
Ha kani ka sngi da em leh ka Ceremony-cum-mini exhibition heiwa da chimbynta da kiwa boon ki bru chemphang na ri-loom Garo.
Ya kani ka tayaw lehwarom da sdang na Sajer Hall kawa em ha Nongpoh, Ri-Bhoi District nadooh ka 14 tarik uni u bnai.
Discussion about this post