Ka 1st Badminton Tournament wa da pynman daka Jalapang Sport Club Wahiajer ha Community Hall Wahiajer neibynta ki khon ka Thadlaskein Block dapoi ko cha wakut ynnin deiwa wan pynhaap pyrda da u Dr. Sunday Pale.
Ha ka yakhun ki Singles da jop da u Emboklang Jat deiwa pynrem u ya u Dering Phawa da 21-17, 21-15.
Ha ka Doubles won da yoh rah da u Rokenson Surong wa u L. Colney deiwa pynrem ya u Dering Phawa wa u Heimonmi Niang da 21-19, 21-18.
Kani ka Badminton Tournament da sdang ya ka nadooh ka 18 tarik wei da wan ya chimbynta da 32 ngut haka Singles wa 32 jur haka Doubles.
Kiwa jop haka Singles da yoh rah ki yaka song poisa wa Rs. 3000 deilang waka Certificate katwa kiwa rem da yoh ki Rs. 2000 waka Certificate.
Ha ka Doubles won kiwa jop da yoh ki yaka song poisa kawa Rs. 4000 deilang wa ki Certificate katwa kiwa rem won da yoh ki Rs. 2000 deilang wa ki Certificate.
Ya ki Prize da saam da u Elvis Mukhim, Secretary Sport ka Lumbhahdakha cha kiwa jop ha ka Single katwa ha ka Doubles won da saam ya ki Prize da u K. Khyriem.
Ya ka yalang da pynlai da u Dauni Phawa, President Jalapang Sport Club.
Discussion about this post