Ka Jaiñtia Students Union-Syndai Unit hapoh i yahkhmat u President yong ka, u Pynshailang Suliang hadien wa yoh ujor na ki paidbah hajrong i khalær i rukom saam wei i rukom kheiñ bai bordiñ ha Syndai, wut wut ka seiñ da lai yachem ko ya u Assistant Executive Engineer ka MePDCL Amlarem Sub-Division wow booh ya ka ujor.
Neiliang ka seiñ da beiñ ko leh ya kani ka yung krehkaam hajrong i slem wow wan e ya ka bai bordiñ heiwa da chimpor ya ki hadooh 6-7 bnai wow wan e cha kiwa chong chnong wei ini da ktah joor i ya ki manyung kiwa duna hei yoh i laa neibhah da hap wow su da ki hajar tangka chisien su.
Heijooh i por ka seiñ phylla ko wa hadien wa yap u Transformer ym duna ya le bnai, kat yoo won ko wa ka bai bordiñ won da kheiñ kamjooh khlem yoh u pynemkaam bordiñ.
Ka seiñ da dawa ko na ka yung krehkaam u AE wow pynche wei wow pynsñiawthooh paidbah lyngba kiwa kreh hajrong ini i eh i khor khnang wow myntoi ki paidbah liang wanang wei wow phah ya kiwa lai kheiñ bordiñ wow wan tista ki ym toh deiwa antaad donhi wei wow psiah ha kawi pa kawi ka thlung yung.
