Jowai : ka Discover Jaiñtia 2016 kawa man leh kawa 10 da pynkut ya ka ha ka chnong Ialong, West Jaiñtia Hills ynnin ka 27 tarik.
Ynnin ha ka chnong Ialong da pynman ya ka kayaking wa ka boating kawa da leh da ka Campfire Trails kawa na Shillong kiwa da elaad ya ki paidbah u chong lieñ dei mynkna.
Hei sngi da leh ya ka paragliding na ka Ialong Park da kiwa wan na Gangtok, Sikkim heiwa da yoh u pynhær du kawi ka parachute katwa heipor wa mut u pynhær sa kawi da pynpep neidaw wa hiar u slap.
Hei janmiet won da leh ya ka Musical Extravaganza heiwa hachwa u yoh u ap yei tem na ki dhab da yoh yei chaad tynre na ka dhab Ialong Cultural Troupe. Ki dhab kiwa da tem kynthup ki ya ka Inzyders, ka Symphony, wa kiwi kiwi wei da yoh leh u ap ya u dj.
Ha kani ka miet da thang leh ya ki hajar tylli ki dongmusa wei da pynhær leh ya ki diñkum heiwa da elaad leh ya ki paidbah u yachimbynta.
Discussion about this post