Poi ka District Level Inter School Athletic Meet 2019 ka EJH cha wakut

Khliehriat: Ka Inter School Athletic Meet 2019 wa le sngi wa pynman da ka yung krehkaam u District Sports Officer, East Jaintia Hills da poi ko cha wakut ynne ka sngi ha madan Teilang, heiwa u S. Marwein, EAC, East Jaiñtia Hills District da wan u kam u kongsan hei emlang u District Sports Officer, East Jaiñtia Hills, u K. Passah. Da em leh ka Dr. J. Lakiang, District Medical Health Officer East Jaintia Hills District waka R. Passah, Child Development Project Officer East Jaiñtia Hills District.

U kongsan hei klam yong oo da e khublei u ya waroh ki 22 tylli ki skur wa wan chimbynta deiwa ong wa ka Sport man ko kawa emkaam bha ha i im yong i yow tei yei doh i pran wa i chait i khiah i pyrkhat pyrdaiñ. Da ong u leh wa ka yalehke Sports daw yarap ko wow pynwandur yei rukom manbru wei i chimbynta leh wanrah ko ya i yatylli hapyrdi ki khynnah skur khamtam kiwa wan yachimbynta.

Chooh chooh da ong u wa ha ka juk kawa katni em boon ki thaw kiwa e sikai Sports kamjooh ka puræ puthi. Kamtæ da pynchlur u ya kiwa em yei sap wa ym toh u pynsepai ya kiwa da em ha ki wei wow krehchitom u pynjanai ya i sap wei wow chim ya ka Sport kam ka khih ka khan yong ki.

U K. Passah, District Sports Officer, East Jaintia Hills District hei klam yong oo da e khublei u ya waroh kiwa da emkti wow pynman ya kani ka lympung kawa jop. Da pyntip u leh wa daw em ka Coaching Camp ya waroh kiwa jop kam wow pynkhreh ya ki wow chimbynta ki haka State Level Athletic Meet 2019 kawa daw pynman ym slem de.

Kiwa jop man ki kamni ha wah:

Under-14

Best Male Athlete- Damehi Chyrmang, Good Shepherd Secondary School.

Best Female Athlete Girls- Pynbhalangki Rymbai, Rymbai Government Secondary School.

Under -16

Best Male Athlete- Soni Dkhar, Sham Sham Secondary School.

Best Female Athlete- Anidakashwa Shylla, Sein Jait Tuber Higher Secondary School.

Under- 18

Related posts

Sdang ka 2nd Maruti Ball Cricket Tournament ka Nongtalang United Welfare Organisation

February 17, 2026

Rah ka DERS FT yei naam Champion ka 4th Umsyngki Tournament ha Bataw deilang ka song poisa Rs.2 lak

February 16, 2026

Best Male Athlete- Abdul Hannan Dhar, Khliehriat Higher Secondary School.

Best Female Athlete- Soul Kyndait, Sham Sham Secondary School.

Under -14

Best Girls Team- Rymbai Government Secondary School.

Best Boys Team- Good Shepherd Secondary School.

Under -16

Best Boys Team- Sham Sham Secondary School.

Best Girls Team- Sham Sham Secondary School.

Under-18

Best Boys Team- Sham Sham Secondary School.

Best Girls Team- Sein Jait Tuber Higher Secondary School.

The Best Discipline Team- 5 Shnong Secondary School.