Ka dongmusa namo ka Ceremonial Torch yong ka 6th Meghalaya Games 2025 kawa da lai luti 360 Km nadooh ka 17 tarik na Tura kawa man ka thaw wa pynman ya ka 5th Meghalaya Games ynnin u snem, ynne ka sngi dapoi ko ha sor Jowai wei da pdiang sñiawbha ya ka da ka West Jaiñtia Hills District hei synraan ka Heimonki Khaii, Athlete kawa yoh Bronze Medal ha ka 200 mtr ha ka 5th Meghalaya Games wa u Jason Kerchwami Passah, Northeast Olympics Games 2022 Gold Medalist ha ka Golf, deilang i sur rwai namo ka Theme Song kani ka Meghalaya Games hadooh wow poi ha yungwalieh ka Dorbar Chnong Loomkyrwiang ka thaw wa pynman ya ka yalang tbian pdiang burom wei da booh leh ya kani ka dongmusa heini yow wan pait ki paidbah.
Haka yalang pdiang burom da emlang u MLA ka thaaiñ uwa man leh u Chairman ka MUDA, u Wailadmiki Shylla, u President ka MSOA, u John F Kharshiiing, ka Vice President ka MSOA kawa man leh ka Chairperson yong ka Reception Committee ka State Level wei kawa man leh ka Secretary yong ka sorkar jylla ka Matsiewdor War Nongbri, u General Secretary ka MSOA, u F. Pariat, u waheh chnong ka Loomkyrwiang, u L. Laloo, ki paidbah wa chong chnong wa kiwi.
Kam wow pynkynmoo wa ya ka Meghalaya Games 2025 daw wai ha ka 21 tarik uni u bnai ha Wahiajer Multipurpose Sports Complex heipor 4:30 i janmiet wei da khut sñiawbha ya ki paidbah wow wan sakhi ki heiwa ym em u chim bai psiah kamjooh leh ha ki yalehke wa daw pynman ha 23 tylli ki thaw wa kynthup ya ar tylli ki thaw ha Shillong wa ha Laitkor.
Discussion about this post