Shillong: Ka Nehru Yuva Kendra Sangathan, Nongpoh ynnin ka sngi da pynkut noh ka esikai wa tip kam ka Training on Youth Leadership for Community Development ha Sajer Dorbar Hall, Nongpoh.
Ha kani ka sngi da saam ya ki certificate wa ki prize cha ki khynnah kiwa da chimbynta ha kani ka esikai heiwa da wan sakhi ya ka sngi pynkut ya ka da u Kyrmen Uriah, Editor ka Peitngor wa Batesi TV, da emlang leh u Ricky C Pathaw, UNV-DYC, ka NYKS Nongpoh, u KR Nongbri, ACT, NYKS Nongpoh wa ki National Youth Volunteers.
Ha kane ka esikai da wan yachimbynta hadooh 40 ngut ki khynroo khyllood ka thaiñ Ri Bhoi District kiwa man leh kam kiwa kitkaam yong ki Sport Club, ki Seng Samla Shnong wa kiwi kiwi.
I thmu kani ka Training Program wow wow hikai ya ki hei yatoh wa ki kaam synchaar khadar, wow wanrah yei khooid hapoh ka imlang sahlang wei wow man kam ki nongmuna ya kiwi tawon.
Ki mat wa kongsan wa da yaklam toh hajrong i chait i khiah, ki scheme kiwa phær wa phær wa ki rukom krehkaam ki seiñ khynroo khyllood, ki señ kynthai wa kiwi kiwi ha ka imlang sahlang.
Discussion about this post