Ampati : Ka Pre-recruitment Army Rally neibynta ka Physical Test Examination (PET) da man ko kam chibynta wow pynkhreh ya kiwa yaleh kreh chipai heiwa da pyllai ya ka da ka 7th Dogra Regiment hei krehlang wa ki bor district, da pynkut ya ka ynnin ka sngi ha Ampati.
U DC ka South West Garo Hills uwa emlang ha kani ka sngi da ong u wa i kreh kaam chipai toh iwa emburom bha wei u yoh psiah kaam chiphai toh duna kiwa yoh u e chakri ya ka ri waroh kawi.
Da ong chooh chooh u wa ki wa kwah u yoh kreh chiphai emkaam ki u man kiwa dohyap, wa raikut mynsien wei wa ryntih ha waroh i liang.
Ya ka PET da pyllai da u Captain Raini, Captain Vikram wa kiwa kreh ka Sports Department heiwa kiwa wan chimbynta da phah phet ya ki 1.6 Km, da phah leh Push-up, Pull-up wa kiwi de kiwa haap leh ki ha ka sngi wa pynman ya ka Army Recruitment Rally.
Ya kiwa chah jied ha kani ka PET daw e won ya ki sa ka Free Coaching nadooh ka 10 tarik u Naitung (April) heiwa daw e leh cha ki ya ki kot ki sla mynkna yow pynkhreh ki ya ka Written Exam.
Also Read: Da ki Bicycle wan ki khynroo wow chah sikai wow psiah kaam chipai neidaw wym em kari
Discussion about this post