Poi ka Indoor Games Competition kiwa kreh sorkar cha wa kut

Jowai : Ka 7^th U Kiang Nangbah Inter Office Indoor Games Competition ka wa pynman da ka Meghalaya State Government Employee Federation Jowai Unit da poi ko cha wa kut ynnin ka miet ka 7 tarik ha Yung Walieh ka Loompyrdi, Iongpiah Jowai.

Ha uni u snem da pynman ya ka yakop Badminton wa ka Carrom Board ya kiwa kreh sorkar heiwa da wan chimbynta 11 tylli ki tnat kreh sorkar kam ka tnat Agriculture, PWD, DM&HO, PHE, MeECL wa kiwi kiwi.

Ya kani ka Indoor Games da sdang nadooh ka 4 tarik uni u bnai wei ya ka yalehke Carrom Board da pynkut ynnin ha yung kreh u DC ka WJH katwa ya ka Badminton won da pyndep ha Yung Walieh ka Iongpiah.

Ha ka yalehke Carrom Board wa mar samen da jop u Riping Dkhar wa kreh ha DIC, Jowai katwa yei naam wa ar da yoh da u Carmel Kharbihkhiew, District Statistics Office, Jowai.

Related posts

Super Division EJHDFA: Jop ka Dhana ya ka R. Iawpynsing, khlem em wa jop hapyrdi ka Khliehriat West wa ka Sutnga

November 25, 2024

Super Division: Da chi dorjon jop ka Ladthadlaboh, ka Nangbah Mulang da 3 kool

November 25, 2024

Ha ka kyrdan wa mar arngut da jop u Manesh N. Sangma wa u Marlam Phawa na ka tnat Agriculture, West Jaiñtia Hills, Jowai  kiwa pynrem ya u Armo Rando Chullai wa u Vernaroy Bamon na ka ophhis u EE PHE RWS, Jowai.

Ha ka Badminton won ha ka yaleh mar samen da jop u Daymeniv Shullai na ka Dr. Norman Tunnel Hospital, Jowai ya u Damehi Kyndiah n aka MeECL, Jowai.

Ha ka yalehke wa mar ar ngut chiliang won da jop u Damehi Kyndiah wa u Wanbhalang Lamare na ka MeECL, Jowai ya u Rimilan Passah wa u Teddy Laloo na ka DM&HO, Jowai.

Ha kani ka sngi u kongsan u Andrew Shullai, Dy CEM JHADC hei klam yong oo da ong u wa yooluti u wa neini cha khmat daw boon chooh chooh kiwa wan chimbynta yow heh chooh kani ka Indoor Games Competition.