Jowai : Ka Dorbar Chnong Loompyrdi Iongpiah, Jowai lyngba ka Sports and Game Committee da pynman ki ya ka 16th Open to All Indoor Game Competition for Badminton.
Da sdang ya ka nadooh ka 21.02.17 wei da pynkut ya ka ynnin ka 28 tarik.
Ha ka kyrdan Under 16 Single (Boys) da wan chimbynta 18 ngut kiwa yalehke katwa ha ka Doubles da wan 12 ngut, ha ka Men’s Double da wan 12 ngut, ha ka Men’s Single da wan chimbynta 10 ngut, ha ka kyrdan 45 snem chaneiñ yong ki chynrang da wan 7 ngut katwa ha kani ka jooh ka kyrdan wa mar arngut da wan 8 ngut. Ha ka Mixed Doubles da wan 5 jur katwa ha ka Men’s Single da wan 11 ngut.
Ha ka kyrdan Men’s Single da jop u Ram Najiar deiwa pynrem u ya u Mebanker Shullai.
U H. Risami Passah wa u Buromlangki Lakiang da pynrem ki ya u Rimilan Passah wa u Ram Najiar ha ka Final ka Men’s Double.
Ha ka Mixed Doubles Final won ka Ribhalang Passah wa u H. Risami Passah da pynrem ki ya ka Wandakahi Passah wa u Ram Najiar.
Ha ka kyrdan 45 snem chaneiñ ha ka yakop mar samen u Teddy Laloo da rah u yei naam jop deiwa pynrem u ya u Wanmi Dkhar.
Ha ka Men’s Double (45 snem chaneiñ) u Shibun Pohleng wa u Dawanroi Pyrbot da pynrem ki ya u Wanmi Dkhar wa u Polestar Niangti ha ka Final.
Ha ka kyrdan 16 snem yong ki chynrang wa yakhun mar samen u Rishan Mi oo Bamon da pynrem u ya u Deilang Wa oo Nongpluh.
Ha ka yalehke mar arngut kiwa 16 snem yong ki chynrang u Deilangwa oo Nongpluh wa u Rishan Mi oo Bamon da jop ki ya u Rapki Chyrmang wa u Ardakune Dkhar.
Ha kani ka sngi wa pynkut ya kani ka Indoor Game da wan u Dy. CEM ka JHADC u Andrew Shullai kam u kongsan, u Chibor Najiar EE PHE RWS Division Jowai kam u symbood kongsan.
Da Pyllai ya ka yalang saam khusnaam da u Vice Chairman ka Iongpiah u Wh C. Tympanglang Laloo, wei da yoh ya ki ktien e khublei na u Sports Secretary u Teddy Laloo.
Discussion about this post