Jowai: Ka yakob yalehke Badminton kiwa kreh sorkar wa tip kam ka 9th U Kiang Nangbah Inter Office Badminton Chmpionship 2019 wa pynman daka Meghalaya State Govt. Employees Federation Jaiñtia Hill Unit Jowai kawa sdang haka 20 tarik uni u bnai da poi ko cha wa kut ynne i janmiet ha Yungwalieh ka Dorbar Chnong Dulong.
Ha ki yakhun Final yong ka kyrdan Mens Double u Rimilan Passah wa u Dr. Peterson L Lamare kiwa naka DM&HO, da yoh ki wow rah yaka naam jop deiwa pynrem ya u Ricky Suchiang wa u Daymeniv Shullai kiwa naka Dr. Tunnel Norman Hospital Jowai da 21-07 wa 21-19.
Haka kyrdan Mens Single da yoh rah yei naam jop da u Da-U-Ru Laloo uwa naka chnat PWD deiwa pynrem ya u Arkiyoo Passah wa naka chnat PWD hi da 21-15, 21-17.
Kam wow pynkynmoo ya ki chnat sorkar wa wan chimbynta kynthup yaka PHE, ka Soil & Water Conservation, PWD, MePDCL, DIPR, District Statistical Officer, Education, DM&HO, JHADC, Agriculture, Horticulture, C&RD Block wa ka SDSEO.
Hadien wa kut ka yalehke da saam leh ya ki khusnam cha kiwa jop wa kiwa rem haka yakhun Final Carom Board kawa dang pyndep.
Discussion about this post