Jowai: Ka Inter School Athletic Meet 2018 yong ka East Jaiñtia Hills kawa sdang nadooh ka 25 tarik uni u bnai, ynnin ka sngi da poi ko chawa kut heiwa u montri ka Revenue & Disaster Management u Kyrmen Shylla da wan u kam u kongsan wei da wan chimbynta hadooh 32 tylli ki skur na ka District.
Da emlang leh u K. Passah, District Sports Officer, East Jaiñtia Hills District heiwa ya kani ka Sports Meet da pynman da ka yung krehkaam yong oo.
Ha kani ka sngi khaddooh da saam ya kiwa boon ki khusnaam cha ki skur kiwa man kamni ha wah:
Best Team Under-14 Years Boys da rah ka Little Star Secondary School.
Best Team Under-16 Years Boys da jop ka Krant Bell Memorial Secondary School.
Best Team Under-18 Years Boys da yoh ka Sein Jait Tuber Higher Secondary School.
Best Team Under-14 Years Girls da rah ka Sein Raij Branch UPS.
Best Team Under-16 Years Girls da jop ka Khliehriat Presbyterian Higher Secondary School.
Best Team Under-18 Years Girls da yoh ka Khliehriat Higher Secondary School.
Yei naam Best Discipline Team da yoh ka Sacred Heart Secondary School, Lamyrsiang.
Ka Overall Champion won da yoh ka Sein Jait Tuber Higher Secondar kawa da jop 8 tylli ki takma Ksiar, 10 tylli ki takma Rupa, 6 tylli ki takma Tama waroh da poi 24 tylli ki takma.
Discussion about this post