Ka Joint School Sports Meet kawa ar sngi wa da pynman da ka Mustem Teachers’ Association ha madanbol Mustem kawa da chimbynta da ki khynde tylli ki skur kiwa em hapoh ka chnong Mustem dapoi ko cha wakut ynnin ka sngi.
Ya kani ka Sports Meet da wan pynhaap pyrda da u Waheh Chnong ka Mustem, u H. Shylla kam u kongsan uwa da e leh ya ki kyntien sneiñ ya ki khynnah skur deiwa pynchlur leh ya ki wow chimkhia yei yaleh Sports hadooh wa poi cha ka kyrdan wow mihkhmat yaka District kamjooh yaka jylla.
Da pynche u leh ya ki bei ki pa kiwa ya emlang ha kani ka sngi yow pynchlur ki ya ki khon ki kti wow yaleh Sports kamjooh leh wow e por ki ya ki khon hei puræ puthi.
Da saam leh ya ki khusnaam cha ki khynnah kiwa jop ha ki kyrdan waphær waphær neibynta ki chynrang wa kynthai kamjooh cha kiwa jop yaka Best Mass Drill, Best House cha ki skur kiwa ya chimbynta ha kani ka yalehke.
Discussion about this post