Jowai: Ka lympung yalehke Badminton wa pynlai daka Dorbar Chnong Dulong waka Dulong Badminton Association watip kam ka 3rd Open to All Badminton Tournament, wada sdang nadooh ka 10 tarik uni u bnai dapoi ko chawa kut hei miet ka 14 tarik ha Yungwalieh ka dorbar chnong Dulong hi.
Ha kani ka lympung kamwa 65 ngut kiwa yalehke da wan ya chimbynta ki nadooh wa sdang haki kyrdan waphær waphær wa kynthup ka Under-15 Boys Single, Under-15 Boys Double, Mix Double, Mens 50 Above Single, Mens 50 Above Double, Womens Single, Mens Double waka Mens Single.
Hawa khyruiñ cha ka lympung yakhun Final yong kani ka sngi, haka kyrdan Under-15 Boys Single da jop u Wanjurmon Niang ya u Sambul Lamare da 21-12, 21-19.
Haka Under-15 Boys Double da jop u Sambul Lamare wa u Wanjurmon Niang deiwa pynrem ya u Deonicious Gaddiel Chullai wa u Bevan Lato da 21-15, 18-21, 21-14.
Haka Mix Double da jop da u Mebanker Shullai waka Josefina Passah deiwa pynrem ya u Daymeniv Shullai waka Wandaka Passah da 21-10, 21-18.
Haka Mens 50 Above Single da jop u Chiboon Pongleng deiwa pynrem ya u Polestar Ñiangti da 14-21, 21-10, 21-13.
Haka Mens 50 Above Double da jop u Pynbiang Laloo wa u Antonio Lakiang deiwa pynrem ya u Polestar Ñiangti wa u Sunday Tariang da 21-14, 15-21, 21-11.
Haka Womens Single da jop ka Dorothy Challam deiwa pynrem yaka Ribhalang Passah da 21-12, 21-16.
Haka Mens Double da jop da u Deilang Nongpluh wa u Burom Lakiang deiwa pynrem ya u Mebanker Shullai wa u Rimilan Passah da 21-17, 21-17.
Katwa haka Mens Single da jop u Mebanker Shullai ya u Burom Lakiang da 21-18, 21-15.
Yaki khusnaam cha kiwa jop wa kiwa chah rem da sam da u Octomewot Lamin Vice Chairman Resource & Mobilization ka JHADC uwa man kam u kongsan yong kani ka sngi, u waheh chnong ka Dulong u Seinwanmiki Bareh, u General Secretary u Kitlang Lato, u Yowan Laloo SE Directorate of Tourism Shillong, u Mewot Nongpluh General Secretary ka WJDBA, u Manpillar Passah u Manager ka Meghalaya Cooperative Apex Bank Limited, Head Office Shillong wa u Snarmon Lato Convener Dulong Badminton.
Discussion about this post