Ka 6th Khulu Malang Football Tournament 2022 ka Jingiaseng Samla Nongkhlieh District dapoi ko cha wakut ynnin ka 10 tarik ha chnong Daistong.
Ha kani ka yalang da emlang u S. Pyrngap kam u kongsan uwa da wan heithaw u Dominic Pala u wym lait u wan wa u Kyrmen Sutnga kam u symbood kongsan.
Ha kani ka sngi da yoh yei klam na u Rev. S. Langstang, Pastor In-Charge Nongkhlieh District, u H.R. Sutnga, Treasurer Jingiaseng Samla Nongkhlieh District, na u symbood kongsan wa na u kongsan.
Ha ka yalehbol ki chynrang, da jop ka JSB Shnongrim ya ka JSB Tongseng da 2-1.
Yei naam Best Player da yoh u Hemilton Pajuh naka JSB Tongseng katwa yei naam Best Goal Keeper da yoh u Shano Patwet naka JSB Shnongrim.
Ha ka yalehbol ki kynthai, ka JSB Daistong da jop ko ya ka JSB Bamkhosngi da 5-4 lyngba ka yachut Tie-Breaker.
Yei naam Best Player da yoh ka Delica Pajuh naka JSB Daistong katwa yei naam Best Goal Keeper da yoh ka Emon Pajuh naka JSB Bamkhosngi.
Ha ka yaphet pyllah 100 Meter ki kynthai da yoh nyngkong ka Nikadawan Huwa, JSB Daistong hei wa ar won da yoh ka Nimon Huwa, JSB Bamkhosngi.
Kiwa jop ha kini ki Final u mihkhmat ki ya ka District cha ka Sutnga Presbytery ha ki yalehbol wa ka yaphet 100 Meter.
