Jowai : Ka lehkmen Annual College Week 2016 ka Kiang Nangbah Government College kawa pynman da ka KNGCSU nadooh ka 6 tarik da pynkut ya ka ynnin ka 17 Kmaichonglad.
Ha kani ka sngi wa khaddooh da wan chimbynta chongchit aw jan waroh ki khynnah puræ kani ka College wei da saam leh ya ki prize cha kiwa jop ya waroh kiwa chimbynta ha ki yakop waphær waphær wei da wan sakhi leh ya kani ka sngi da u Marki Mulieh, MDC kam u kongsan wa u Nehemayah Tyngkan kam u symbood kongsan.
Ha kani ka sngi da saam ya ki khusnaam cha kiwa jop ha ki sports kiwa wan chimbynta ha ka Football, Badminton, Chess, Arm-wrestling, Basketball, Carrom Board, Draughts wa Table Tennis.
Da saam leh ya ki khusnaam cha kiwa chimbynta haki Cultural Programme, kam ka yakop Debate, Extempore Speech, Spelling Bee, Story Writing, Poetry Writing hei ktien English wa Khasi, yakop rwai pyllah, yakop chaad, ka yakop miat kynthai bha chynrang (Miss & Prince KNGC).
Ha kani ka sngi khaddooh ka College Week wa tip leh kam ka Rose Day da pynman ya ki lehkmen waphær waphær heiwa da pynman da ka Advance Christmas wei da pynkut da i chaad sñiawbha(Jam Session) heiwa da em u DJ.
Neiliang ka KNGCSU da e khublei ko ya waroh ki khynnah puræ yong kani ka college kiwa da wan ya chimbynta chongchit ha kani ka lehkmen Annual College Week 2016 kamjooh kyrpad ko ya ki wa chimbynta ha ki programe waphær waphær wow nang kreh chitom chooh chooh ki hei wow pynpliah ki ya ki sap ki wa ki da em ki.
Kamjooh ka seiñ e khublei Christmas wa u snem thymme wa suk wa kmen ko ya waroh ki khynnah puræ yong kani ka College.
Discussion about this post