Shillong: Ka lehkmen dap 50 snem namo ka Golden Jubilee Celebrations ka Shillong Commerce College da poi ko cha wa kut ynne ka sngi ha ka yalang wa pynman ha U Soso Tham Auditorium, Shillong heiwa emlang leh u Montri Rangbah ka jylla u Dr. Mukul M Sangma kam u kongsan heiwa ka Montri ka tnat puræ puthi ka Roshan Warjri da man ko kam ka symbood kongsan.
U Montri Rangbah ong u wa i puræ puthi toh ka luti wa chim ki khynroo khyllood yow tip ki i sap yow ye ki u pynkhreh ya mynried yong ki. Neibhah katni boon ki laad ki luti wa ki khynroo khyllood ye ki u jied wei emkaam ki ya kiwa yahluti yaki yow lait ki u bakla u jied.
Da ong u leh wa i dap 50 snem ka College pynyoo ko wa da man ko kawa pawnaam kawa da wan kiwa na kylleiñ ka thaiñ mihsngi wa na kiwi de ki jylla wow puræ ha ka.
Ya ka Shillong Commerce College da sdang ha u Naiynru ha u snem 1967. Kani Ka College em ko 25 ngut ki Lecturer kiwa pura, 15 ngut kiwa kreh hapoh ka office wa 1150 ngut kiwa puræ ha ka.
Ha kani ka sngi da pyllait leh ya ka Golden Jubilee Magazine yow sahkynmo yei dap 50 snem yong ka.
Discussion about this post