Ka lympung 2nd Laskeiñ Block Inter Office Badminton Championship 2024 kawa da pynman da ka Laskein Block Badminton Association (LBBA) nadooh ka 22 hadooh 24 tarik uni u bnai da pynman ya ka ha Seiñtyllilang Auditorium Hall, Shangpung Pohchnong.
Ha kani ka lympung yalehke da wan chimbynta da ki 8 tylli ki chnat sorkar kiwa em hapoh u pood ka Laskein Block.
Kiwa jop ha kani ka sngi khaddooh toh u Damehi Kyndiah na ka MeEcl uwa da jop ya u Dabiang Law na ka Police Department ha ka Men’s Single.
U R.D. Sungoh wa u Dauru Laloo, na ka PWD (R) da jop ki ya u Dabiang Law wa u Nehi Law na ka Police Department ha ka Men’s Double.
U Sevenborn Tang da man u kam u kongsan ha ka sngi pynkut ya kani ka lympung hei emlang u Dolloi ka Elaka Shangpung, u C. Langbang, u Principal ka Lumuroo Secondary School, u Thiejshwa Phyllei, u Dr. Lofty Tyngkan, u Dr. Rimiki S Manner ryngkat kiwi tawon ki waheh wa sian yong ka thaaiñ wa kamjooh kiwa kitkaam ka Laskein Block Badminton Association.
Hawa e i klam kam u kongsan, u Sevenborn Tang da e khublei u ya kiwa chimbyna wei da e mynsien u leh ya kiwa rem, deiwa ong wa ymtoh u dooh mynsien ki tang wow kreh chitom chooh chooh ki ha ki por wow wan.
Ha kani ka sngi da saam leh ya ki Prize cha kiwa jop wei kamjooh da yoh u pynkupburom ya ki 4 ngut ki khynnah napoh ka Laskeiñ Block Badminton Association kiwa jop wei wanrah naam ya ka Association ha ka 17th Inter School Badminton Tournament 2024 kawa da pynman da ka West Jaiñtia District Badminton Association (WJDBA).
Discussion about this post