Poi ka lympung wa ar sngi wa tip kam ka “North East Calling” chawa kut

New Delhi: Ka Lympung wa ar sngi wa tip kam ka “North East Calling”, wa pynman da ka Ministry of Development of North Eastern Region (DoNER) da poi ko chawa kut ynnin ka sngi. Ha kani ka sngi u Cabinet Secretary, P. K. Sinha da man u kam u kongsan hei emlang u Secretary, Ministry of Information & Broadcasting, N.K. Sinha, Secretary, Ministry of DoNER u Naveen Verma, Secretary, Ministry of Tourism ka Rashmi Verma, wa kiwi kiwi.

Ha kani ka sngi ki Assistant Secretary 2015 Batch da embynta lang ki ha ki Fashion Show katwa u P. K. Sinha won da pynkupburom u ya ki Fashion Designers yong kani ka yalang heiwa da pynyoo yei mahajon ka thaiñ mihsngi.

Ha kani ka sngi pynkut da saam leh ya ki khusnam kiwa jop ha ki yakop waphær waphær kam ki School Quiz Contest hajrong ka phang “Know your North East”, heiwa da jop da u Ishan Chourasia wa u Dhruv Sharma na New Era Public School, Mayapur. Ha ka Open Quiz won da jop da u Mukunth Raghavan & Shakya Shamik Kar Khound. Ha ka Home Chef Contest, da jop da ka Christina Pukhrambam wa ka Jina Moirangthem neibynta ka Best Thali. U Joseph Tonthang da yoh u yei naam jop ha ka Videography Contest hajrong ka phang “Explore North East”. Ha ka Photography Competition won hajrong ka phang “Beauty of North East”, yei naam 1st Prize da yoh u Nirjen Sharma neibynta i dur “Best days of a lifetime”, hajrong ka Under Symposium Event da jop u Vishal Singh na Salwan Public School. Ya ka Choreography Event, da jop da ka JIIT wa ka Rajdhani College.

U Union Minister of State (Independent Charge) ya ka Ministry of Development of North Eastern Region (DoNER), MoS PMO, Personnel, Public Grievances & Pensions, Atomic Energy and Space, u Dr Jitendra Singh da wai u ya kani ka lympung “North East Calling” ha kani ka 9 tarik.