Jowai: Ka yalehke Final Football namo ka Closing Ceremony ka Waikhyrwi Sports Club and Social Organisation, Dkhiah West (WSCSO) da pynman ya ka ynnin ka 7 tarik ha Teilang Phawa Playground, Dkhiah West.
Kani ka lympung da tip kam ka 11th Prize Money Knock Out Football Tournament, 2017, heiwa ha ka yakhun khaddooh da pynman hapyrdi ka DWR United pyrchah ya ka Maitshaphrang heiwa da jop ka DWR united da 5-1.
Kiwa jop da yoh ki T. 2,20,000 chirup wa ki Trophy katwa kawa rem won da yoh ko T. 1,10,000 wa ki trophy.
Yei naam Player of the Day da yoh da u Kitbok Pale yong ka DWR United uwa da thap 2 kool.
Ha kani ka sngi khaddooh u Justine Dkhar uwa man kam u MLA ka thaiñ da man u kam u kongsan wei hei klam da e yaroh u ya ka Tournament Committee ka WSCSO Dkhiah West, wei da kyntu u ya ki khon khynroo wow man ki kiwa minot wei wow chimkhia ki ya ki kaam sports.
Discussion about this post