Poi ka Meghalaya heiwa 5 kiwa boon pynemkaam duma

Shillong: I kyrni wow baam wei wow dih duma toh i daw wa kongsan tam iwa wanrah yei yap wei man ko leh iwi na i mlien iwa pyntbian yei rta bru. Man u snem, 7 Million ngut ki briew yap ki neidaw u duma. Ha ri India, 1.2 million yap ki du nei dih duma.

Na ka thaaiñ mihsngi, ka Meghalaya wan ko heiwa 5 heiwa 47% ki bru baam namo dih duma ki wei wan wa-ar ko heiwa 31.6% toh kiwa dih duma katkam ka GATS 2 (2018-2017). Ha ka ri waroh kawi, ka Meghalaya toh ka jylla kawa boon tam ki bru kiwa yoh kjut Esophageal Cancer wei 80% na kiwa kjut Cancer ha i ktien toh nei baam næ dih duma.

U bru uwa dih sikret man ka sngi, pynlut antad u T. 1192 man u bnai. Lada i kyrni dih/baam duma neh i kamni ye ki wow yap chiteiñ rta.

Ka National Tobacco Control Programme (NTCP), NHM da sdang ha Meghalaya ha u snem 2013-14 hapoh ka rukom kreh wa san snem kawa 12 wei ka thong man ko kumni hawah:

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

• Wow khanglaad ya i sdang maad/dih duma ha ki khynroo wa kiwa da heh.
• Wow pynchlur u pyndooh dih/baam duma ha ki khynroo wa kiwa da heh.
• Wow pyndooh ya i riñ mynsien ya ka tdem duma (Second Hand Smoke)
• Pynduna ya ka yaaw dai duma lynba ki IEC Campaign, khanglaad u pynbna paidbah ya ki duma wa kiwi kiwi.
• Pynduna i pynmih duma deiwa khanglaad ya ki khynnah wow yoh duma ki.

Ka sorkar Meghalaya ryngkat wa ka NTCP da chim ki ka rai wow pynkrehkaam ya kini ki program. Da thung ya ka State Level Coordination Committee (SLCC) wa ki District Level Coordination Committee ki wow kynthup ya kiwa boon ki chnat.

Ka Section 4 yong ka Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution) Act, 2003 namo COTPA, 2003 da khang ko wow dih duma ha ki thaw paidbah.

Ka Section 6A khang ko wow dai duma cha ki khynnah wei da ki khynnah.

Ka Section 6B khang ko wow dai duma hapoh 100 meter na ki skur. Wei neibynta ini da booh ya ki Enforcement Squad wa ki khlieh yong ki thaw puræ em bynta ki ha ini.

Daw lehwarom ya ka World No Tobacco Day ha ka 31 Naisan, 2019 hajrong ka phang “Tobacco and Lung Health”.