Jowai: Kani ka School Week kawa sdang nadooh ka 14 tarik uni u bnai da poi ko cha wakut ynnin ka sngi dei wa emlang u DC ka West Janitia Hills District u Arunkumar Kembhavi wa u R. Muthu SP West Jaintia Hills.
Kani ka School Week toh du ia ki khynnah nadooh ka klas 6 hadooh klas 12. Ia kiwi tawan ki khynnah hapoh klas 6 da em da kawi ka ialehkmen.
Ha kani ka sngi u SP wa u DC da ong ki wa katwon wa yoosuk ia ki akor ki khynnah iong kani ka skur wei u joor i sihlet ki lada ym em ioh ki u mad ia i mynsien sbun ki khynnah ha kani ka sngi. Da pynchlur ki ia ki khynnah u wan ki chakhmat ha kiwon kiwon ki iakob wa em ha skur ki nadooh i puræ puthi, ki ialehke sports, ki chad wa kiwi yow sniawthuh ki iyi i jingmut ‘Competition’ wei kammon u pynkhreh yow man ki wa jop.
Da pynkynmoo ki leh ia ki khynnah wa ymtoh u tieñ ki u kylli jingkylli ia iwon iwon wa em ha ki kot ki sla kamjooh ia ki nongsikai ki. Ong u DC toh u mlien ki u puræ ia ki jait kot waphær waphær ki wow pynproh yei thij i pyrkhat iong ki dæ. Neibhah Oo ye u bichar ia i jinglong ki bru du na ki kot wa puræ ki.
Da leh burom ka skur ia ka Nafisa Pde ka khynnah nyngkong ha ki 89 snem kani ka skur kawa da ye u poi ha ka kyrdan 20 ha ka eksamin SSLC 2015. Da pynkup warom ia ka da u DC wa ka Principal ka skur da e kti ha ka leh ia ka cheque wa poi na ka MBOSE kawa 4050 tyngka. Na ka liang ka skur da noh kyllooid ko ia ka 10,000 hajar tyngka.
Da sam leh ia ki prize cha ki khynnah wa jop ia kiwa boon ki iakob ha ki sngi wa da dep iong kani ka School Week.
Da elad ia ka Nafisa Pde u sam ko ia kiwa jop iakob chad, fancy dress, debate, iakob rwai wa kiwi kiwi. Ka skur leh da dep pynman ko ia ka ‘Food Fest’ ha kani ka School Week.
Da pynkut ia kani ka sngi dei wa pynbna ia kawa jop ia ka iakop ‘Miss Mazzarello 2015′.
13 ngut ki khynnah da iaknieh ki ia kani ka nam. Ha dien ka kylla wa khatdooh ki nongbichar do yoo biang yoo bit ki u jied ia ka K. Melory Singh kam ka Miss Mazzarello 2015 pynbood da ka Ioophika Rumut ha ka kyrdan wa ar wa ia ka Chandasaka Kharsiangchai ia ka nam wa le.
Ia ka Best House da rah da ka Blue House ha kani ka kynti.
Discussion about this post