Jowai: Ha kani ka 22 tarik uni u bnai 17 ngut ki nongrwai daw wan iachim bynta ki ha ka semi-final ka Sur-3 kawa daw man ha Orchid Inn ha i por 1 waje i sngi. Ia kini ki 17 ngut da jied iaki hadein da dep la le round ka iakop rwai kawa da sdang naduh u bnai June.
Ki nongrwai ha kani ka sngi iohlad ki u rwai i wi i sur iow pynbang ia ki chkor ki le ngut ki nongbishar kamjuh leh ia ki paidbah. Ki paidbah ye ki u kyrchan ia ki nongrwai wa ka-it ki da i wa vote ki da ki sms ha u number 9089049000. Ia uni u number toh duh ia kiwa pynem kam SIM card IDEA donhi. Kiwa ym em iakini ki SIM card, yea ki u ioh na ka ophis IDEA kawa em ha Lad Wahnangbah Iwamusiang, Jowai ha i pyrtuit ka Sur-3. Kini ki SIM card toh kiwa da pynkhreh kyrpang na bynta kani ka iakop rwai. Ye phi leh u kyrchan ia ki nongchimbynta da i wa thied ia ki coupon kiwa chong dor Rs. 20 tyngka kawi. Daw em leh ka buskit wa 1000 tyngka ia kiwa embhah (Lucky Voter) wa pynemkam da ki coupon.
Na kini ki 17 ngut daw jied sa 10 ngut donhi ki wow psiah cha ka Grand Finale kiwa daw iakhun u ioh ia ka 1 lak tyngka wa ka nam nongjop ia ka Sur-3
Ki judge ha kani ka iakop toh u Kyrshan Dame Soophai, u Dameyoki Dkhar wa ka kong Amabel Susngi.
Ia kani ka rynsan iakop rwai da pynlai daka ‘KYNTU YEI SAP’ Entertainment SOCIETY, JOWAI.
Discussion about this post