Ampati: Ka esikai wa soo sngi namo ka Workshop neibynta kiwa sikai skur khamtam ya ki Secondary wa ki Higher Secondary School da poi ko chawa kut ynnin ka 4 tarik ha Ampati.
Ya kani ka esikai da pynman hapoh ka Chief Minister’s Career Guidance & Counseling Scheme, wei man ko ka sien wa nyngkong wa da leh da ka seiñ na Shillong kawa tip kam ka Avenues.
U Raj Kharnih, Lead, Business Development; ka Jasmine Laitflang Stone, ka Preeti Chhetri wa ka Eurisa Khyriem (TPPM) na Avenues da esikai ki ha ki le bynta ya kiwa sikai ka district ha kini ki soo sngi.
Ha ka sngi khaddooh u DC ka South West Garo Hills u Cyril V. Diengdoh dakyntu u ya kiwa sikai wow chim kabu ki na kani ka Workshop wei wow ye ki u pynkrehkaam yeiwa da yoh myntoi ki na ka.
Da ekhublei u leh ya ka Avenues wa da mih ko cha khmat wow wan esikai ya kiwa sikai skur kani ka district. Hadien ini da e ya ki Certificate cha kiwa chimbynta deiwa yooluti wa kani ka esikai daw kyntu kynrong ko yei stat i tip hapoh ka district waroh kawi.
Discussion about this post