Poi ka yakhun 3rd Division cha wa kut hapyrdi ka Mukhla Raij wa ka Khliehmynkrem

Jowai : Ka final ka 3rd Division ka wa pynman da ka West Jaiñtia District Sports Association (WJDSA) ha madan Kiang Nangbah Stadium, Ladthadlaboh, Jowai ynne ka 30 tarik da poi ko cha wa kut heiwa da yakhun ya ka final hapyrdi ka Mukhla Raij wa ka Khliehmynkrem.

Ha ka kylla step ka yalehke man ko kawa ya khaaid bha hiewa pynar liang da pyrchang ki kat wa ye yow thap ya ka kool wa nyngkong tangwa hadooh wa kut ka kylla step ym em wa yoh u thap.

Ka Mukhla ha ka kylla miet won mar ya sdang ko, hadien ar minit da thap ko ka kool ha ka minit wa 42 lyngba u Player Suna wei kani ka kool da neh ko hadooh wa kut ka yalehke yow yoh ka Mukhla yei naam jop yong ka kyrdan 3rd Division.

Related posts

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Khaddooh da yoh bor wow pynman ya ka Final ka Super Division ka WJDSA

January 29, 2026

Ha kani ka sngi leh da saam ya ki khusnaam Man of the Match cha u Melvin Lyndoh wa u Top Scorer cha u Benny Dkhar pyn ar na ka Mukhla. Yei naam Best Goalkeeper won da yoh u Shanbor Diengdoh yong ka Khliehmynkrem.