Jowai : Ka Amlarem Leauge kawa da pynman da ka Amlarem Sub Divisional Sports Association da poi ko chawa kut ha ka 4 tarik ha madan Ladjaplem, Amlarem.
Haka Lower Division da jop ka Pdengshakap YC iaka Man I Bha 2-0 da thap ya ki kool da u Suki Mulad ha ka minit wa 47 minit wa na u Heisar Khaii ha ka minit wa 58. U H. Khaii da yoh u leh yei naam kam u best player, u Best Goalkeeper da yoh u Dhiwot Shylla, katwa yei naam Top Scorer da yoh u Menri Suchen.
Haka Upper Division won da jop ka Amutong yaka Pdengkarong 1-0 lyngba ka kool u Marson Mulieh uwa da thap ha ka minit wa 49. Ha kani ka yakhun yei naam Best Player da yoh da u Daman Pohsngap, Best Goalkeeper da e cha u Rilang Tariang, i naam Top Scorer cha u Skendrowel Pohshna.
Haka Super Division da jop ka Shmiapang Thangbuli yaka Seiñbhalang Skhentalang da 1-0 lyngba ka kool na u Fidor Dkhar ha ka minit wa 60 uwa da yoh leh yei naam Best Player, yei naam Best Goalkeeper da yoh u Micky Nongrum katwa yei naam Top Scorer da yoh u Thymmai Buam.
Ha kani ka sngi pynkut ya ka League u Ma MLA Stephan Mukhim da man u kam u Kongsan hei em ryngkat u MDC War West u ma Het Pohthmi, u Ex CEM JHADC u ma Lamdibok Sumer, wa kiwi kiwi.
Discussion about this post