Jowai : Ka yakhun Quarter Final yongka Tiger Five Football Tournament wada pynman daka Sports & Youth Affairs, Chilliangraaij da kut ko ynnin ha ka yaleh hapyrdi ka Elsa SC waka Risa 4 Mile.
Ka yaleh haka kylla step pyn nawa sdang ka Elsa da yohko chi kool heiwa da thap ka Risa 4 Mile pyndaka yaka hi ha ka minit wa 5, iwa pynbood yaka kool na u Mayalang Lanong haka minit wa 9, ka kool na u Niawkor Kyndiah haka minit wa 12, yaka kool wa soo lyngba u Bro War haka minit wa 24. Kamtæ ka kylla step da man ko neiliang ka Elsa SC heiwa da yoh ko u thap 4-0.
Hala kylla miet yong ka yaleh ka Risa 4 Mile da yaleh ko u pynyoo yei sap yong ka heiwa da yoh ko u thap mar ya sdang haka minit wa 31 lyngba u Bony wa ka kool lyngba u Saman haka minit wa 34.
Ka Elsa SC dei khyrngiat yeiwa chah thap ko da yaleh ko u pynkhih yaka jaar kool yong ka Risa 4 Mile haka minit wa 34 hi lyngba u Poibiang Pohshna, chooh chooh da yoh biang ko haka minit wa 41 lyngba u Niawkor Pohsna.
Hadien ini ka Risa da yakhun biang ko u su ya kini ki kool wa chah thap ko heiwa da ye u leh yeini haka minit wa 53 lyngba u Bony iwa da su biang ka Elsa haka minit wa 55 lyngba u Bro War. Ka yakhun da man biang ko kawa yoosuk heiwa kiwa yaleh ka Risa da pynyoo ki i buit i sap wei da ye ko u pynkhih yaka jaar ka Elsa haka minit wa 57 lyngba u Chanki Iakai.
Ka yaleh da man ko kawa da lai cha liang ka Elsa SC heiwa da jop ko da 9-4 pyrchah yaka Risa 4 Mile.
Yaki Semi Final daw pynyaleh hapyrdi ka Chiruplang SC purchah yaka Elsa SC haka 23 tarik uni u bnai heipor 3:30 i sngi wa haka 24 tarik hapyrdi ka We United pyrchah yaka Umchangiar SC heipor 3:30 i sngi.
Discussion about this post