Ka lympung yalehbol wa chitayaaw kawa kyrpang ya kitu kiwa yaleh pyrchah yow lait nei pynemkaam drugs yow yoh yei chait i khiah kawa da pynman hajrong ka phang “Goal Beyond Addiction”dapoi noh ko cha wakut.
Ya kani ka yalehke Futsal da pynman da ka District Social Welfare Officer, East Jaiñtia Hills District deiwa ya krehlang ka yung krehkaam u Deputy Commissioner, East Jaiñtia Hills District chirup ka Opioid Substitution Therapy (OST) Centre, Khliehriat deiwa kyrchaan poisa ka District Mineral Foundation (DMF) Scheme wei da pynkut ka ha ka madan Fustsal ka Khliehriat East ynnin ka sngi.
Ya ka yalang pynhaap pyrda da wan wow embyntalang ka MDC ka Rymbai-Khliehriat, ka Violet Lyngdoh kam ka kongsan chirup u Sub-Divisional Officer (SDO)- Sadar, East Jaintia Hills District, u Manish Kumar, ka District Social Welfare Officer (DSWO), East Jaiñtia Hills District, ka R. Bareh wa kiwi de.
Ka Violet Lyngdoh da ong ko da emkaam wow ya krehlang yow ye u jop yei maa wa da wanrah i drugs kamjooh yow yarap ya kitu kiwa da chah kdoh chah khoom hei pynemkaam drugs deiwa ong leh wa ki yalehke Sport toh iwa yarap wow yada nei pynemkaam drugs deiwa kyntu ko leh ya ki khynnah skur wa emlang ha kani ka sngi wow yait nei pynemkaam drugs.
Kani ka Football Based Intervention Programme for Recovering Addicts da sdang ko ha ka 29 tarik u Naiynñiaw deiwa chimbynta ki 6 tylli ki Team heiwa ki dkhot toh da kitu kiwa da em hei luti wow lait noh nei dih drugs wei ha ka Final da yachem ka Blue Team wa ka Purple Team heiwa da jop ka Blue Team.
Da saam leh ya ki Certificate, ki Medal cha kiwa chimbynta wa ka Trophy cha ka liang wa jop.
Discussion about this post