Ka sorkar Meghalaya lyngba ka chnat Election da pyntip ko wa da poi u Election Police Observer deilang wa u Election Observer neibynta ka Shillong Parliamentary Constituency kiwa da em ha Shillong.
U Election Police Observer toh u Ponugunatla Ramjee, IPS uwa ye ki bru wow booh ujor ha oo deiwa Phone ha ini i Number-8132828564 nadooh 12:00 waje pyrdi sngi hadooh 2:00 waje i sngi wei da booh thaw kreh ya oo ha Pinewood Hotel, Shillong.
U Election General Observer toh u Mukul Sharma, IAS uwa ye ki bru wow ujor deiwa Phone ha i Number-9863908207 nadooh 10:00 waje i step hadooh 4:00 waje i sngi wei uni leh toh uwa da booh thaw kreh ha Pinewood Hotel, Shillong.
Kini ki arngut ki Observer toh kiwo wow pait ya waroh ki 36 tylli ki Constituency wa em ha Khasi Hills, Jaiñtia Hills wa Ri-Bhoi.
Ki paidbah ye ki leh wow kylli na kini ya kiwon kiwon ki kaam wa yatoh wa kani ka Lok Sabha Election 2024.
Discussion about this post