Ka Federation Aeronautique International daw pynman ko yei yakob International Paragliding ha Laitdiengsai, haneiñ ka chnong Smit, East Khasi Hills District mynstep ka 7 tarik.
Ha kani ka lympung pynhær Parachute da em palat 100 ngut ki Paragliders wow yachim bynta wa kynthup ya 16 ngut ki kynthai kiwa da wan mihkhmat na ki 8 tylli ki ri ka pyrthai wa kynthup na USA, Indonesia, Nepal wa kiwi de.
Kiwa chimbynta da khana ki wa kawi ka Parachute toh kawa chong dor hadooh T. 3 lak.
Kani ka lympung toh kawa soo sngi wei daw kut ko haka 10 tarik wei da tip yaka kam ka International Paragliding and Accuracy Championship, wei da pynman dei ya krehlang waka Meghalaya Aero Adventure and Sports Association.
Man ko leh kawa rap phær hawa wyrchaw wa kiwi won ki jait lympung yalehke neibhah em kiwa chimbynta na ki chnat chipai wa kiwa jooh hær wa bna naam na kylleiñ ka pyrthai.
Hanla kani ka lympung u sdang ko nadooh mynstep leh, tangwa da wan poi kiwa pynhær nadooh ynne ka sngi iwa pynphooh pynphieñ ya ka suiñ bneiñ najrong wa yoosuk i thaw wei i man i long ka rymaw.
![](https://i0.wp.com/wyrta.com/wp-content/uploads/2022/12/jrhfd1.jpg?resize=962%2C545&ssl=1)
![](https://i0.wp.com/wyrta.com/wp-content/uploads/2022/12/jrhfd2.jpg?resize=962%2C545&ssl=1)
![](https://i0.wp.com/wyrta.com/wp-content/uploads/2022/12/jrhfd3.jpg?resize=962%2C545&ssl=1)
![](https://i0.wp.com/wyrta.com/wp-content/uploads/2022/12/jrhfd4.jpg?resize=962%2C545&ssl=1)
![](https://i0.wp.com/wyrta.com/wp-content/uploads/2022/12/jrhfd5.jpg?resize=962%2C545&ssl=1)
![](https://i0.wp.com/wyrta.com/wp-content/uploads/2022/12/jrhfd6.jpg?resize=962%2C545&ssl=1)