Kiwa yahkhmat yong ka Mynsngat-Namdong-Khanduli Development Committee (MNKDC) ha i lai yachem ya u Medical & Health Officer, In-charge Namdong PHC u Dr. T. Suchiang ynne ka sngi ka 26 tarik da yoh wow yaklam hajrong i eh yong ka PHC wa ki wakreh.
Ha ini i yachem da pyntikna da u In-charge wa em ki wakreh kiwa dang wan kreh thymme ha kani ka PHC kam ki Staff Nurse wa kiwi de. Da yoh yutip leh wa wot hapyrdi i duna i wakreh kiwa em ha kani ka thaw, ki da ya kreh chitom ki neibynta ki paidbah ka thaaiñ.
Neiliang ka Committee da pynsñiaw ko yei sñiawngooh ya ka sorkar MDA, u MLA ka thaaiñ u S. Dhar, ka yung krehkaam u DMHO, DHS (MI) kiwa da yaleh wow pynbiang ya iwa emkaam ka PHC. Da pynsñiaw leh yei yaroh ya u Doctor deilang wa ki wakreh waroh kiwa hapyrdi i duna ki wakreh da kreh chitom ki wow pait ya kiwa kjut wa chitom haka PHC wa haki Sub-Centre neibynta i emkaam ki paidbah.
Kamtæ neiliang MNKDC da booh ko yei kyrpaad khian ya ka chnat sorkar wow phah smat ya kiwi ki wakreh ka PHC kiwa em hok wow yoh khamtam ya ki Doctor.
Da pynsñiaw leh yei sñiawngooh ya ki kynhun waphær waphær nadooh ki Synjuk Waheh Chnong, ki seiñbhalang kiwa da chimkhia wow ya krehlang neibynta i emkaam ka PHC. Da kyntu leh ya ka Joint Action Committee wa ki waheh chnong wow yai chah wei ya krehlang neibynta i bha i miat yong ki paidbah ka thaaiñ.
